رمضان کی آمد آمد ہے اور اس بار میں سوچا ہے کہ ابھی سے عبادت کی تیاری شروع کر دی جائے ویسے تو میں ہر سال ہی عبادت کرتی ہوں اور ڈٹ کے کرتی ہوں لیکن اس بار کچھ ٹیکس بھی ادا کرنا ہے رمضان میں ہر روز میری عبادت سحری سے شروع ہوتی ہے اور افطار تک جاری رہتی ہے وہ یوں کہ میں سحری میں اٹھتی ہوں اور سحری کے بعد سو جاتی ہوں کیونکہ رمضان میں سونا بھی عبادت ہے لہذا سو کے جب اٹھوں تو وقت افطار ہوتا ہے اور افطاری اتنی شدت سے بلا رہی ہوتی کہ کچھ اور نہیں سوجھتا اس وقت سوائے افطاری کے تو میں مکمل انصاف افطاری سے کر کے پھر سو جاتی ہوں ۔ 
ایک تو سب اتنا ڈراتے ہیں کہتے ہیں شادی کرتے ہی لڑکیوں کی زندگی مسائل سے دو چار ہو جاتی ہے لیکن یہاں معاملہ کچھ مختلف ہے کہ شادی تو فمزا کی ہوئی ہے مسائل مجھے درپیش ہیں سو شامت میری آئی رہتی ہے کہ امی جان نے غضب کی یاد داشت پائی ہے اٹھتے بیٹھتے بیٹی کی یاد امی کو ستاتی رہتی ہے اب میں لاکھ کہوں کہ امی جان چاہیں تو مجھے بھی اپنی بیٹی سمجھ لیں پر کوئی اثر نہیں پڑتا 
اکثر تو مجھے خیال آتا ہے کہ امی کی لغت دیکھنے کو مل جائے کہیں سے ۔ ۔ ۔ میرے خیال سے اس میں بیٹی کی تعریف کچھ یوں لکھی ہوگی ” شوہر کی وہ اولاد جس کا تعلق صنفِ نازک سے ہو جب اس کی شادی ہو جائے تو اسے بیٹی کہیں گے۔” اس تعریف کے مطابق امی جان کی دو بیٹیاں ہیں۔ اگر آپ کو اس تعریف سے اختلاف ہو توزیادہ سوچوں میں نہ پڑیں بلکہ صرف یہ سوچیں کہ اس وقت آپ کا دل کیا چیز کھانے کو چاہ رہا ہے بس وہ چیز کھا لیں، مجھے اس تعریف سے اختلاف نہیں ہے لیکن میرا دل پھر بھی اس وقت کچھ کھانے کو ضرور ہے ایک تو اگر عالم ارواح سے کوئی نیک روح م س ن پر ہو تو میں اس کا سر کھاؤں اور دوسرے میرا دل ہے پکوڑے کھانے کو۔ ۔ ۔ ساتھ مزیدار سی چائے بھی۔ ۔ ۔ لیکن مشکل یہ ہے کہ یہ دونوں چیزیں مجھے بنانا بھی خود پڑیں گی اس لیے ممکن ہے کہ میں صبر کر لوں لیکن اس رمضان میں میرا دل ہے کہ ہر روز ایک نئی ترکیب سے پکوڑے بنانے ہیں اس لحاظ سے مجھے کم از کم تیس مختلف ترکیبیں جمع کرنا ہیں پکوڑے بنانے کی تو تمام سگھڑ خواتین ، کھانے پینے کے/کی شوقین اور پکوڑے بنانے کے / کی ماہرین توجہ پلیز ۔ ۔ ۔ مجھے پکوڑے بنانے کی مختلف تراکیب جمع کرنے میں مدد فرمائیں کہ مجھے پکوڑوں سے انتہائی رغبت ہے ۔ 
دنیا بھر میں جتنی بھی نیک امیاں پائی جاتی ہیں انھیں یقین کامل ہوتا ہے کہ سحری میں گزشتہ رات کا سالن اور ایک روٹی کافی ہے جسے دیکھتے ہی شکل رات کے سالن جیسی ہو جاتی ہے ۔ ۔ ۔ 
اب اگر نیک امیوں کی اولادِ ناہنجار آگے سے میری اور آپ (جی ہاں بالکل آپ کو ہی کہا ہے ، ادھر ادھرنہیں دیکھیں کسی اور کو تھوڑا ہی کہا ہے ) کی طرح واقع ہوئی ہو تو امیوں کو مسئلہ پڑ جاتا ہے اور وہ با آوازِ بلند سوچتی ہیں یا اللہ ! یہ ایسی اولاد میرے ہی نصیبے میں لکھنی تھی ۔ ۔ ۔ نیک امیاں اللہ میاں کے آگے توصرف نصیبے کا رونا رکھتی ہیں اولاد کے سامنے سحری میں روٹی اور رات کے سالن کے ساتھ ساتھ کیریکٹر سرٹیفیکیٹ بھی رکھنا نہیں بھولتیں جس کی ہیڈ لائن یہ ہوتی ہے “پتہ نہیں میری اولاد کس پر چلی گئی ہے” تو میں نے تو یہ طے کیا ہوا ہے کہ سحری کے وقت کان بند رکھنے ہیں، نہ کان کھلے ہوں گے نہ ہی کوئی آواز سنائی دے گی ، دوسرا حل یہ نکالا ہوا ہے کہ رات کے سالن سےنجات حاصل کرنا ہو تو اگر پکوڑے چھپا کر رکھ لیے جائیں تو وہ سحر میں کسی حد تک مدد گار ثابت ہو سکتے ہیں ۔ ۔ ۔ لہذا ایک بار پھر سے ۔ ۔ ۔ تمام سگھڑ خواتین ، کھانے پینے کے/کی شوقین اور پکوڑے بنانے کے / کی ماہرین توجہ پلیز ۔ ۔ ۔ مجھے پکوڑے بنانے کی مختلف تراکیب جمع کرنے میں مدد فرمائیں کہ مجھے پکوڑوں سے انتہائی رغبت ہے 
چاہے مجھے ایمیل کر دیں ، چاہے اپنے بلاگ پر لکھیں
اگر اپنے اپنے بلاگ پر ترکیب لکھیں تو میں پکوڑوں کی خاطر مقابلہ کروانے کو بھی تیار ہوں مقابلہ کا انعام میں منظر نامہ کی جیب سے نکلوانا ہے انشآءاللہ 
سارہ
فرزانہ
بوچھی
زینب
مردوں کی دنیا میں عورت
بیگمات ہائے اردو بلاگرز
کوئی ہے۔ ۔ ۔
نوٹ:
بیگمات اپنے شوہروں کی اور منگیتران اپنے منگیتروں کی مدد فرمائیں۔ ۔ ۔ بیگم و منگیتر کی قید سے آزاد حضرات اللہ کا لاکھ لاکھ شکر ادا کریں ابھی تک اپنی آزادی پر اور امی کی مدد حاصل کر سکتے ہیں ۔ 
August 20th, 2008 at 8:57 pm
واہ واہ
کس کی صحبت میں ہیں آجکل
کیا کمال لکھا ہے۔ میں وقفے وقفے سے تین دفعہ پڑھ چکا ہوں۔
August 20th, 2008 at 10:26 pm
بہت عمدہ شگفتہ،
ویسے آپ youtube میں تلاش سے اپنی پکوڑوں کی تراکیب حاصل کر سکتی ہیں۔
August 21st, 2008 at 5:25 am
واہ واھ واھ اب آپ کو پکوڑے یاد آ رھے ہیں تو پھر میری یاد بھی آءے گی۔کیں کہ افطاز تو میں بناتی تھی
August 21st, 2008 at 9:28 am
شگفتہ، مجھے تو پکوڑے اتنے اچھے نہیں بنانے آتے تھے۔ لیکن امن نے ترکیب لکھی تھی، بہت زبردست بنے تھے۔ اور اب تو میں اکثر امن کا بلاگ کھول کر بیٹھ جاتی ہوں۔
پکوڑوں کی ترکیب یہاں ہے
August 21st, 2008 at 4:14 pm
کیسی ہیں آپ ؟ بہت دنوں بعد آپ کی طرف آنا ہوا، مہمان ابھی یہیں ہیں ،
مگر میں کل م س ن پر آئی تھی کچھ منٹوں کے لئے ، یہ سوچکر کہ کیا معلوم شگفتہ آن لائن ہو ،مگر شام ، رات کے وقت آپ نہیں تھیں
پھر میں ماورہ سے ، اور فرزانہ سے چند منٹوں کی گپ شپ لگا کر چلی آئی ۔
August 21st, 2008 at 6:23 pm
السلام علیکم
تھینکس بدتمیز پسند کرنے کے لیے۔ اپنی ہی صحبت میں آج کل
اچھا کوئی ریسیپی بھی تو بتائیں پلیز ۔
بہت شکریہ ابوکاشان بھائی ، آپ کی یوٹیوب کی تجویز تو بہت بہترین ہے وہاں سے ضرور بہت سی تراکیب مل جائیں گی۔
آپ کے بلاگ پر پہلے دن سے کوشش کی کمنٹ کرنے کی لیکن وہاں ہو ہی نہیں رہا تھا ۔ فی الحال یہیں لکھ رہی ہوں ، بلاگ دنیا میں خوش آمدید ! کیا آپ نے اردو ٹیک پر بھی بلاگ بنایا ہے ؟
تھینکس ماوراء ، میں اس ترکیب سے بنا کر بتاؤں گی کہ کیسے بنے
کوئی اور بھی ترکیب ہاتھ لگے تو ضرور بتائیں۔
فمزا سچ بہت یاد آ رہی ہے ۔ ۔ ۔ پکوڑوں کی ۔ ۔ ۔ اچھا اچھا تمہاری بھی ، ویسے امی چوبیس میں سے پچیس گھنٹے اتنا یاد کر لیتی ہیں کہ مجھے توازن برقرار رکھنے کے لیے بھلانے کی ضرورت محسوس ہوتی ہے
اچھا سنو امی کو بتا نہ دینا کہ میں ادھر کیا پروپیگنڈہ کیا ہوا ہے 
کہیں گی میری بیٹی میرے ہی خلاف لکھتی ہے
اور افطاری کی بات تو سچی سے مجھے یاد نہیں آ رہی ، اچھا بناتی ہوں گی آپ
یہاں گھر میں بھی کچھ ایسا ہی ذکر سنا ہے ویسے 
۔
اور خاتون اس بار تو امی بھی یہاں نہیں ہوں گی تو سب بوجھ بھابھی پر آ جائے گا اسی لیے میں سوچ رہی ہوں کچھ میں بھی کچن کی شکل دیکھوں اس بار
August 21st, 2008 at 6:26 pm
فمزا ، اردو تو اچھی خاصی لکھ لی یہاں
، کیسے لکھی یہ جو یہاں کیبورڈ دیا ہوا ہے اسے استعمال کیا ہے یا ویسے ہی خود سے ٹائپ کر لیا تھا ؟
August 22nd, 2008 at 2:58 am
السلام علیکم بوچھی ، خیریت سے ہیں ناں ؟ نئے بلاگ پر خوش آمدید
آپ بتا دینا تھا ناں بلکہ آپ اس وقت مجھے بیل کر دیتیں تو میں فوراً آ جانا تھا ۔ آپ مہمانوں سے فرصت پا لیں اور سفر کی بھی تھکن اتار لیں اور جب بھی م س ن پر ہوں بیل کر دیں اگر میں آنلائن نہ ہوں ، میں کئی چیزیں جمع کی ہوئی ہیں آپ کو دکھانے کے لیے 
جی بوچھی ، اس وقت میں م س ن پر نہیں تھی
August 22nd, 2008 at 12:34 pm
بڑی آسان ریسیپی ہے۔ اور گارنٹی ہے کہ پکوڑے ملیں گیں۔
کرنا صرف اتنا ہے کہ افطاری سے آدھ گھنٹہ پہلے جو بھی کچن میں ہو اس کے سر پر پہنچ جانا ہے کہ پکوڑے کدھر ہیں؟ بنا رہی ہو کہ باہر سے منگوا لوں؟ امید ہے کہ اگلا افطار کروا کے ثواب کمانے کے لالچ میں آپ کو پکوڑے بنا دے گا۔ اگر نہیں بنا کر دیتا تو تو پتہ ہے نہ باہر سے منگوانے ہین
August 22nd, 2008 at 2:07 pm
شگُفتہ
السلامُ عليکُم
کيا حال ہے ؟اتنا پيارا اتنا زبردست لکھا ہے کہ بس بيان سے باہر ہے ہر ہر لفظ اور ہر بات اتنی بے ساختگی لۓ ہُوۓ لکھی ہے کہ بس مزہ آ گيا پکوڑوں کی ترکيب لکھتی ہُوں اپنے بلاگ پر صاحب اور بيٹی کو تو بہت پسند ہيں اور رمضان ميں تو ہر روز بننے لازمی ہيں ہاں مُجھے تو تبصرے پڑھ کر اور بھی مزہ آيا ہے ايک سے بڑھ کر ايک
امّی ابُو سب کيسے ہيں ؟حمزہ جانُو کو پيار اور دينا اپنا خيال رکھنا
August 22nd, 2008 at 2:17 pm
(امّی ابُو سب کيسے ہيں ؟حمزہ جانُو کو پيار دينااور اپنا خيال رکھنا)
شگُفتہ اس فقرے ميں جو خرابي ہو گئ ہے وہ دُور کر دينا
August 22nd, 2008 at 3:53 pm
السلام علیکم شگفتہ
لیکن ایک بات ہے میں اپنے موڈ کے مطابق ترکیب میں بھی تبدیلی کرتی رہتی ہوں اس لیے ہر دفعہ پکوڑوں کی ایک نئی قسم سامنے ہوتی ہے جس کو میرے بھائی پکوڑوں کی بجائے ‘پکوڑہ نما’ کا نام دیا کرتے ہیں 
اتنا مزے کا لکھا آپ نے
پکوڑے تو مجھے بھی بہت پسند ہیں۔ اور میں تو بہانہ ڈھونڈتی رہتی ہوں پکوڑے بنانے کا
ابوکاشان نے یو ٹیوب والی ٹپ بہت اچھی دی ہے۔ میں نے بھی کتنی نئی چیزیں انہی ویڈیوز سے سیکھی ہیں :)
فضہ: آپ کیسی ہیں؟
ویسے ایک بات ہے شگفتہ! اگر فضہ ساری افطاری تیار کرتی تھیں تو اس دفعہ آپ کو چاہئیے کہ فضہ کو ایک کارڈ بھیجیں یہ لکھ کر کہ ‘قدر یاد آئی تیرے جانے کے بعد’
شازیہ جی! آپ کہاں ہیں :(
August 23rd, 2008 at 10:24 am
سلام سب سے پہلے فرحت آپ کا شکریہ ۔میڈم ش گ ف شکر ہے آپ نے یہ تو قپول کیا کہ آپ نے گھر والوں سے یہ ذکر سن رکھا ےورنہ تو میریراءے کے مطابق آپ کی قوت سماعت خاصی متاثرکن ہے
۔اور باقی رہا کچن تو مچھے اس سے پوری ہمدردی
ہے۔ ویسے میرا بھرپور شک یہ ہے کے کہیں آپ کی باورچی خانے سے اچانک دلچسپی فقط تزاکیب تیارگی پکوڑاجات تک تو نہیں ہے
August 24th, 2008 at 2:33 am
بدتمیز اتنی آسان ترکیب ، یہ کیا تجربہ تو نہیں بول رہا کہیں
اس سے آسان ترکیب تو شاید ہی ملے ، اسی پر عمل کرنا بہتر رہے گا ، اب فمزا صاحبہ نہ آ جائیں تقریر کرنے یہاں 
بہت شکریہ شاہدہ آپی ، خیریت سے ہیں ؟ بس ذرا غمگین بیٹھی ہوئی تھی تو یہ پوسٹ لکھنے بیٹھ گئی :) آپ کی ترکیب پر عمل کر کے بتاؤں گی کہ کیسے بنے پکوڑے ۔ جی، امی ابو حمزہ اور ہم سب ٹھیک ہیں ، اپنی دعاؤں میں یاد رکھئے گا ۔
تھینکس فرحت ، واہ پکوڑے پسند ہیں تو بس ٹھیک ہے پکوڑے بنانے کے بہانوں میں سے ایک بہانہ کا نام شگفتہ رکھ لیں
میں خود بھی اصل ترکیب میں کچھ نہ کچھ یا کافی کچھ تخریب کاری کر لیا کرتی ہوں اور فرحت یہ آپ کس کی سائیڈ لے رہی ہیں
لللہ میری سائیڈ لینی تھی آپ کو تو 
، افطاری میں میرا بھی مکمل کردار رہا ہے اور سب سے زیادہ تعریف اور انصاف تو میں ہی کرتی تھی افطاری سے :) اور بالکل بالکل کارڈ تو ضرور بھیجنا ہے ۔ ۔ ۔ بس قدر ذرا ہجویہ نہ ہو جائے کہیں 
فمزا بی بی ، یہ میری نیک نیتی پر شک کس خوشی میں ہو رہا ہے
اور ناں میری تعریف لکھتے ہاتھ کانپتے ہیں ؟ 
اور یہ پیارے جملے لکھ کر بہن ہونے کا ثبوت دیا جا رہا ہے ۔ ۔ ۔ ہیں جی ۔ ۔ ۔ 
ایک تو امی کو عین رمضان میں بلا لیا ہے اپنے پاس ، عید بھی امی کے بغیر ہو گی اس بار 
اور اوپر سے شک ۔ ۔ ۔ ذرا م س ن پر تشریف لانا 
، آئی ڈی نہیں کھل رہی تو نئی بنا لو
قوتِ سماعت تو شاندار ہے بلاشبہ ۔ ہر کام کی بات سنتہ ہوں
August 24th, 2008 at 9:50 am
السلام علیکم شگفتہ!
لیکن کیونکہ کچھ عرصے سے میں بھی اماں کے لیے ‘قدر آئی یہاں آنے کے بعد’ گنگنا رہی ہوں اس لیے آپ کو بھی یہی مشورہ دے دیا 
میرا حال بھی آپ سا ہی ہے تو آپ کی ہی سائیڈ لوں گی
اور مزے کی بات کہ گزشتہ کل پکوڑوں کے بہانے کا نام شگفتہ سے ہی منسوب تھا :)
http://dareecha.urdutech.com/?p=89
August 24th, 2008 at 12:05 pm
بہت ہی خوب شگفتہ
اچھی مزاح سے بھرپور تحریر ہے ، اور ساتھ ہی آپ کی اور فمزہ کی باتیں ، بہنوں کا پیار شرارت بھری نوک جھونک پڑھ کے اچھا لگا ، آج دوسری بار خیال آیا کہ کاش میری بھی کوئی بہن ہوتی 
آپ کی فرمائش پر لکھوں گی پکوڑے کی ترکیب آپ کو اچھی لگے تو بنا کے کھا کر بتائیے گا ۔
August 27th, 2008 at 5:47 pm
تھینکس فرحت ، ترکیب کے لیے بھی اور میری سائیڈ لینے کے لیے بھی اور فمزا کی سائیڈ لینے کے لیے بھی ۔ اور اتنا اچھا مشورہ ہے اس کے لیے تو میرا دل ہے ایک کارڈ آپ کو بھی بھیجنے کا ۔
فرحت ، آپ کو اور بھی ترکیب پتہ چلے تو بتائیے گا مجھے پہلے سے کچھ تراکیب معلوم تھیں اب تو کافی اور بھی معلوم ہو گئی ہیں ۔
حجاب تھینکس
اور ہاں حجاب ، میں ہوں ناں آپ کی بہن اور میرا نام شگفتہ ہے ۔ ۔
August 27th, 2008 at 5:50 pm
حجاب ، اب ذرا جلدہ سے اپنا سب سے خوبصورت دوپٹہ مجھے دے دیں تاکہ بہن ہونے کی یقین دہانی ہو جائے
اور اگر پکی پختہ یقین دہانی کروانا ہو تو اس دوپٹے کے ساتھ مکمل سوٹ بھی چلے گا 
August 28th, 2008 at 1:37 pm
سو سوئیٹ شگفتہ
آپ میری بہن ضرور ہیں مگر مجھے تو لڑائی کرنی ہے ناں چھوٹی چھوٹی باتوں پر ، چیزیں چھین لینے کا مزہ ہی اور بہنوں سے ، اب یہ سب میں آپ سے کیسے کروں 
شگفتہ ، آپ کی اور سب کی یقین دہانی کے لیئے ،میرا سب سے خوبصورت ڈوپٹہ آپ کا ہوا 
ڈوپٹے کا کلر سی گرین اور بلو مکس ہے اور اُس پر سفید کام کیا ہوا ہے ، چلے گا یہ ڈوپٹہ یا دوسرا چاہیئے ؟؟ اور سوٹ نیا لے کر دوں گی 
August 28th, 2008 at 10:58 pm
بلاگ کو فعال دیکھ کر اچھا لگ رہا ہے آپی۔
اب خدا کرے کہ یہاں پر اسی طرح بہار رہے۔ پکوڑوں کی ترکیب۔۔۔ میں بتاؤں۔۔۔ ہمممم۔۔۔ مقدار کی قید سے آزاد ہوگی لیکن۔ 
بیسن گھولنے والا کام کم ہی کیا ہے نا۔۔۔ بس مجھے بیسن تیار ہوکر مل جاتا تھا اور ساتھ میں لوازمات۔ میرا کام ان کو بنانے کا ہوتا ہے۔ بیسن میں نمک اور تھوڑی سی پسی ہوئی لال مرچ ڈال کر گاڑھا گھول لیتے ہیں۔ پتلا ہوجائے تو بنانے میں بڑا مسئلہ ہوتا ہے۔۔۔ ہمارے ہاں جو پکوڑے رغبت سے کھائے جاتے ہیں، وہ آلو، پیاز، ہری مرچ، پالک، بینگن اور ہری پیاز کے ہیں۔ آلو یا بینگن یا پیاز کے بنانے ہوں تو باریک قتلے کاٹ لیتے ہیں اور انہیں بیسن میں ڈبوکر بناتے ہیں۔ پیاز کو باریک کتر کر بھی بیسن میں شامل کرکے بنایا جاتا ہے۔ ایک پکوڑے آلو کے بھرتے کے بھی ہوتے ہیں۔ جیسے آلو کے کباب بنتے ہیں نا، یعنی آلو ابالے چھلکوں سمیت، پھر چھلکے اتار کر ان کو کوٹ لیا۔ اس میں پیاز، مرچ، نمک ڈال کر بھرتا بنالیا۔ پھر اس بھرتے کی گول گول بال بنالیتے ہیں۔ اسے بیسن میں ڈپ کرکے کڑاہی میں ڈال لیتے ہیں۔ بہت مزیدار ہوتے ہیں وہ بھی۔ ہری مرچ کے پکوڑوں میں بڑی والی ہری مرچ استعمال ہوتی ہے۔ اس میں کچھ مصالحہ بھرتے ہیں اور پھر بیسن میں ڈپ کرکے بناتے ہیں۔ ویسے اتنی اچھی اچھی ترکیب پہلے ہی پوسٹس ہوچکی ہیں۔
ویسے ہم لوگ ابھی تک اپنے ایوارڈز کا سلسلہ شروع نہیں کرسکے۔ تھوڑی سی ہیلپ کروائیں گی؟
۔۔۔۔۔۔۔۔۔۔۔
انعام منظرنامہ سے۔۔۔۔ ہممم۔۔۔ آئیڈیا تو اچھا ہے۔
August 29th, 2008 at 11:28 am
اف۔۔۔لگتا ہے اس دن میں نے یہ نیند میں پڑھا تھا۔، منظر نامہ والے انعام پر تو ابھی غور کیا۔
اور نہ ہی تحریر کی تعریف کی۔
شگفتہ، بہت اچھا لکھا تھا، مجھے پڑھ کر بہت مزہ آیا تھا۔ امیاں لگتا ہے ، سب کی ایک ہی جیسی ہوتی ہیں۔ اور بچے بھی لگتا ہے سب ایک ہی جیسے ہوتے ہیں۔
اچھا، ایک نئی ترکیب ملی ہے۔
سب رنگ پکوڑوں کی ترکیب
:GRIN:
August 29th, 2008 at 11:53 am
پنیر کے پکوڑے
August 29th, 2008 at 11:53 am
چاولوں کے پکوڑے
پکوڑے
August 29th, 2008 at 11:54 am
ایک تبصرہ سپیم میں چلا گیا۔
August 30th, 2008 at 10:32 am
حجاب ، دوپٹہ تو خوبصورت لگ رہا ہے جیسے بتایا ہے بس یہی ٹھیک ہے نیا نہیں لینا، سوٹ کے لیے میں انتظار شروع کر دیا ہے
لڑائی ۔ ۔ ۔ فکر ہی نہ کریں ۔ ۔ ۔ لڑائی کرنا مجھے ٹھیک ٹھاک آتا ہے بے شک فمزا سے پوچھ لیں
عمار شکریہ تعریف کے لیے بھی اور ترکیب کے لیے بھی
اچھا یہ پوٹیٹو بالز بھی ہوتی ہیں ناں آلو کے ساتھ چکن شامل کر کے ، بہت مزے کی
ایوارڈز کے لیے ۔ ۔ ۔ کیوں نہیں ، جو بھی کر سکوں ضرور کرنا چاہوں گی ۔ کیا آپ نے ذہن میں کچھ ترتیب دیا ہے ؟
شکریہ ماوراء ، یہ امیوں اور بچوں کے حقائق کافی جگہوں پر مشترک پائے جاتے ہیں
غور کا پڑھ کے ہنسی آئی کبھی کبھی میرا بھی یہی حال ہوتا ہے 
رہا تیسری ترکیب بھی مل گئی ہے ، یہ چاول والی تھی ناں ۔ میں ساری تراکیب کو تسلی سے دیکھ لوں اب۔
اس بار تو لگتا ہے کافی عبادت کرنا پڑے گی
August 30th, 2008 at 6:16 pm
شگفتہ جلدی بھیجیں ناں۔ مجھے اتنا شوق ہے کارڈز جمع کرنے کا
(رونے والی سمائلی کیوں نہیں ہے یہاں؟)
اور پکوڑوں کی ایک آدھ مزید ترکیب بھی مل جائے گی۔ اگلے ہفتے بھائی کے ایگزامز ختم ہوں تو بیرونی دوروں کا ارادہ ہے۔ میری کزن کے پاس سے ملیں گی زبردست تراکیب ۔
شگفتہ! آپ نے امی سے فرمائشیں کرتے ہوئے مجھے ضرور یاد کرنا ہے
August 31st, 2008 at 5:31 am
بس فرحت جلد ہی ، میں ڈھونڈ رہی ہوں کہ کیسا کارڈ ہو آپ کے لیے جو آپ کو ہمیشہ یاد رہے
ایک اور ترکیب ۔ ۔ ۔ جیتی رہیں ۔ ۔ ۔ میں ابھی سے خوش ہو لوں بس جلدی سے جائیں اور سب ترکیبیں جمع کر لائیں ۔
فرمائشیں
امی تو بس رمضان کے شروع میں یہاں ہوں گی ، بعد میں تو چلی جائیں گی ، اس بار عید میری بھی امی کے بغیر گزرے گی 
August 31st, 2008 at 5:39 am
فرحت ، یہ ہیں ناں روتی شکلیں
یہ دیکھیں ذرا
ویسے میری اپنی شکل بھی کچھ ایسی ہی ہے کچھ کچھ
September 4th, 2008 at 12:56 pm
شگفتہ ، آپ کی یہ پکوڑے مہم کا اثر میرے چھوٹے بھائی پر بھی ہوگیا وہ تو اور کمال کر رہا ہے ، بس میں سفر کے دوران جو ساتھ بیٹھا ہو معقول لگے اُس سے تھوڑی سی بات چیت کے بعد پہلا سوال یہی کرتا ہے کہ آپ کے گھر پکوڑے کس چیز کے بنتے ہیں ، تاکہ کوئی نئی ترکیب ملے تو مجھے بتائے آکر اور میں بناؤں
شکر ہے اب تک کوئی نئی ترکیب نہیں ملی 
September 10th, 2008 at 12:06 pm
حجاب مجھے اتنی ہنسی آئی پڑھ کے ، اتنی بچت ہوئی آپ کی ابھی تک کوئی ترکیب ہی نہیں ملہ
مصّلیٰ بچھاؤں میں ادھر 